Maliyyə

Ana səhifə

Maliyyə

Bakı Fond Birjasının dövriyyəsi son bir ildə 55% artıb

07 avqust 2012 14:08 (UTC +04:00)

Bakı. Nicat Mustafayev – APA-Economics. Bu ilin yanvar-iyul ayları ərzində Bakı Fond Birjasında (BFB) bütün alətlər üzrə aparılmış əməliyyatların ümumi həcmi 7,036 mlrd. manat təşkil edib. Bu da 2011-ci ilin eyni dövrünün analoji göstəricisindən 54,6% çoxdur.
BFB-dan «APA-Economics»ə verilən məlumata görə, ümumilikdə, hesabat dövründə korporativ qiymətli kağızlar (KQK) bazarı 27,8% azalıb. Korporativ istiqrazların ilkin bazarında 37,215 mln. manatlıq yerləşdirmə qeydə alınıb, istiqrazların təkrar bazarında isə 148,808 mln. manatlıq əqdlər bağlanılıb ki, ötən ilin yanvar-iyul ayları ilə müqayisədə istiqrazların ilkin bazarı 2,5 dəfə, təkrar bazarı isə 19,4% azalıb. Ümumiyyətlə, korporativ istiqrazlar bazarı ilin ilk 7 ayı ərzində 32,7% azalıb.

Səhm bazarına gəldikdə isə, hesabat dövründə bu növ kağız üzrə qeydə alınan əqdlərin həcmi 64,582 mln. manat təşkil edib və 2011-ci ilin yanvar-iyul aylarına nisbətən 8,5% azalıb. Səhmlərin ilkin bazarı 9,5% azalıb, təkrar bazarı isə 5% artıb.

Korporativ qiymətli kağızlar

Bazarın seqmentləri	Yanvar-iyul, 2012	Yanvar-iyul, 2011	Nisbət (%)
Bazarın seqmentləri	Əqdlərin həcmi, AZN	Əqdlərin həcmi, AZN
Korporativ istiqrazlar (yerləşdirmə)	37 215 335,00	91 885 972,50	-2,5 dəfə
Korporativ istiqrazlar (təkrar bazar)	148 808 101,58	184 748 225,66	-19,4%
Kİ bazarı cəmi	186 023 436,58	276 634 198,16	-32,7%
Səhmlər (yerləşdirmə)	59 630 435,35	65 868 332,00	-9,5%
Səhmlər (təkrar bazar)	4 951 671,15	4 719 614,34	5%
Səhm bazarı cəmi	64 582 106,50	70 587 946,34	-8,5%
KQK bazarı cəmi	250 605 543,08	347 222 144,50	-27,8%

Hesabat dövründə birjada dövlət istiqrazları (Dİ) bazarında da azalma müşahidə olunub. Belə ki, yanvar-iyul aylarında dövlət istiqrazları bazarının həcmi 3,1 dəfə azalıb, o cümlədən istiqrazların ilkin bazarının həcmi 3 dəfə, təkrar bazarın həcmi isə 3,6 dəfə azalıb.

Buna baxmayaraq, Azərbaycan Mərkəzi Bankının notları bazarında artım qeydə alınıb. Belə ki, not bazarı ümumiyyətlə 37,1%, o cümlədən notların ilkin bazarı 37,2%, təkrar bazarı isə 30,7% artıb. Eyni zamanda, hesabat dövründə repo əməliyyatlarının həcmi 72,6% artaraq 6 mlrd. manatı ötüb. Ümumiyyətlə, yanvar-iyul aylarında dövlət qiymətli kağızlar (DQK) bazarının həcmi ötən ilin analoji dövrü ilə müqayisədə 61,4% artıb.

Göründüyü kimi, ilk 7 ay ərzində fond bazarının artımını not bazarı və repo əməliyyatları təmin edib.

Dövlət qiymətli kağızları

Bazarın seqmentləri	Yanvar-iyul, 2012	Yanvar-iyul, 2011	Nisbət (%)
Bazarın seqmentləri	Əqdlərin həcmi, AZN	Əqdlərin həcmi, AZN
Dİ (AMN) (yerləşdirmə)	59 757 344,13	178 869 168,77	-3 dəfə
Dİ (AMN) (təkrar bazar)	7 348 651,92	26 616 863,09	-3,6 dəfə
Dİ bazarı cəmi	67 105 996,05	205 486 031,86	-3,1 dəfə
Notlar (AMB) (yerləşdirmə)	689 155 740,27	502 122 741,33	37,2%
Notlar (AMB) (təkrar bazar)	12 486 939,02	9 555 687,77	30,7%
Not bazarı cəmi	701 642 679,29	511 678 429,10	37,1%
Repo əməliyyatları	6 017 007 047,38	3 486 717 782,68	72,6%
DQK bazarı cəmi	6 785 755 722,72	4 203 882 243,64	61,4%

Dİ – dövlət istiqrazları;
AR MN – Azərbaycan Maliyyə Nazirliyi;
AR MB – Azərbaycan Mərkəzi Bankı;
DQK – dövlət qiymətli kağızları;
KQK – korporativ qiymətli kağızlar.