Maliyyə

Ana səhifə

Maliyyə

Azərbaycanın milli brendi 4 mlrd. dollar bahalaşıb

10 sentyabr 2012 12:42 (UTC +04:00)

“APA-Economics”in məlumatına görə, “Brand Finance” beynəlxalq şirkətinin hazırladığı ənənəvi illik “Brand Finance Nation Brands 100” reytinqində belə deyilir.

Reytinqə əsasən, Azərbaycan bu il bir pillə irəliləyib, brendin qiyməti isə 2011-ci ilə nisbətən 4 mlrd. dollar artıb.

Reytinqə ABŞ başçılıq edir. Bu ölkənin milli brendinin qiyməti 14,641 trln. dollar təşkil edir. Bundan əlavə ilk onluğa Çin (4,847 trln. dollar), Almaniya (3,903 trln. dollar), Yaponiya (2,552 trln. dollar), Böyük Britaniya (2,189 trln. dollar), Fransa (1,963 trln. dollar), Kanada (1,611 trln. dollar), Braziliya (1,376 trln. dollar), Hindistan (1,247 trln. dollar) və İtaliya (1,104 trln. dollar) daxildir.

Qeyd edək ki, Türkiyə reytinqdə 19-cu (brendin qiyməti 487 mlrd. dollar), Rusiya 11-ci (1,058 trln. dollar), Gürcüstan 99-cu (9 mlrd. dollar) olub. Ümumilikdə MDB ölkələrindən Azərbaycan, Rusiya və Gürcüstandan başqa reytinqə Ukrayna (45-ci yer, 124 mlrd. dollar), Qazaxıstan (52-ci yer, 87 mlrd. dollar) daxil edilib. Ermənistan isə göstərilən 100 ölkənin sırasında yoxdur.

Qeyd edək ki, 100-cü yeri tutan Kamerunun milli brendi 9 mlrd. dollar səviyyəsində qiymətləndirilib.