Maliyyə

Ana səhifə

Maliyyə

Azərbaycan Sığortaçılar Assosiasiyasına üzvlük haqqını ödəməyən şirkətlərə xəbərdarlıq olunacaq

17 sentyabr 2012 11:37 (UTC +04:00)

Bakı. Elnur Hüseynquluyev – APA-Economics. Sentyabrın 25-də Azərbaycan Sığortaçılar Assosiasiya (ASA) Müşahidə Şurasının iclası keçiriləcək. Bu barədə «APA-Economics»ə açıqlamasında ASA-nın sədri Azər Əliyev bildirib.

A.Əliyevin sözlərinə görə, iclasda Şura tərəfindən qurumun yanvar-iyun ayları üzrə hesabatı, bəzi şirkətlərin üzvlük haqlarını ödəməməsi və bununla bağlı həmin şirkətlərin rəhbərlərinə xəbərlarlığın göndərilməsi, habelə gələn il ilin yayında Bakıda keçiriləcək III Beynəlxalq Sığorta Forumunun təşkili ilə bağlı məsələlər müzakirə ediləcək.

A.Əliyen həmçinin bildirib ki, bu ilin birinci yarısında ASA-ya ödənilən üzvlük haqları 149,5 min manat, xərcləri isə təxminən 127 min manat (gəlirlərin 85%-i) təşkil edib.

Xatırladaq ki, ASA 2006-cı ilin dekabrında təsis olunub. Hazırda 28 sığorta şirkəti qurumun üzvüdür. Yeni nizamnamənin tələblərinə uyğun olaraq qurumun Müşahidə Şurasının tərkibinə daxil olan şirkətlər 16 min manat, illik yığımlara görə ilk onluğa düşən sığorta şirkətləri 7-8 min manat, qalan şirkətlər isə 5 min manat üzvlük haqqı ödəməlidir.