Maliyyə

Ana səhifə

Maliyyə

Azərbaycanda daşınmaz əmlakın sığortası bazarı 11% artıb

27 sentyabr 2012 07:39 (UTC +04:00)

«APA-Economics»in apardığı araşdırmaya əsasən, könüllü əmlak sığortası üzrə ən çox sığorta haqqı «Əmlakın yanğından və digər risklərdən sığortası» (18,026 mln. manat) növü üzrə toplanılıb ki, bu da əmlak sığortası üzrə məcmu yığımların (25,317 mln. manat) 71%-ni, könüllü əmlak sığortası üzrə daxilolmaların isə 98%-ni təşkil edib.

Hesabat dövründə könüllü əmlak sığortası üzrə sığorta hadisələrinə görə verilən ödənişlərin həcmi 19% artaraq 2,144 mln. manata çatıb.

Bununla yanaşı, car ilin yanvar-avqust aylarında icbari əmlak sığortası üzrə 6,986 mln. manat həcmində sığorta haqqı toplanılıb ki, bunun da 6,784 mln. manatı «Daşınmaz əmlakın icbari sığortası», 201,675 min manatı isə «Daşınmaz əmlakın istismarı ilə bağlı mülki məsuliyyətin icbari sığortası» növlərinin payına düşüb. Qeyd edək ki, icbari əmlak sığortası üzrə yığımların həcmi ötən ilin müvafiq dövrünün göstəricisi ilə müqayisədə 23% çox olub. Ödənişlərin həcmi isə təxminən 2,4 dəfə artaraq 694,884 min manat təşkil edib.

Bu müddət ərzində bazar üzrə icbari və könüllü əmlak sığortası növləri üzrə ümumilikdə 25,317 mln. manat həcmində sığorta haqqı toplanılıb ki, bu da ötən ilin müvafiq dövrünün göstəricisindən 11% çoxdur. Bununla yanaşı, son bir ildə əmlak növləri üzrə ödənilən məcmu vəsaitlərin həcmi 35% artaraq 2,839 mln. manata çatıb.

Xatırladaq ki, 2012-ci ilin yanvar-avqust aylarında Azərbaycanda sığorta təşkilatları tərəfindən toplanan sığorta haqlarının həcmi 228,873 mln. manat, ödənişlərin həcmi isə 58,873 mln. manat olub.