Bu ilin fevral ayında avro zonasında istehsalçı qiymətləri (PPI indeksi) əvvəlki ayla müqayisədə 1,1% artıb. Yanvarda artım 5,1% səviyyəsində olub.
“APA-Economics”in “Eurostat”a istinadən verdiyi məlumata görə, illik ifadədə fevralda qiymət artımı 31,4% təşkil edib, bu da artım göstəricisinin hesablanması tarixində ən yüksək səviyyədir.
Avropa İttifaqı ölkələrində istehsalçı qiymətlərində (yanvarda 5% artım olub) fevral ayında 1,1% artım müşahidə olunub, illik ifadədə isə qiymətlər 31,1% artıb.
Ay ərzində sənaye istehsalçılarının qiymətlərində ən çox artım Slovakiya (13,6%), Sloveniya (5,7%) və Yunanıstanda (4,8%) qeydə alınıb. İrlandiyada (-8,1%), Finlandiyada (-0,5%), Latviyada (-0,3%) və Bolqarıstanda (-0,1%) azalmalar müşahidə olunub.
Bütün Aİ ölkələrində də istehsalçı qiymətlə illik ifadədə artıb. Sənaye istehsalçılarının qiymətlərində ən çox artım İrlandiyada (63,4%), Rumıniyada (57,7%) və Danimarkada (53,8%) qeydə alınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
