Avropa Yenidənqurma və İnkişaf Bankı (AYİB) Şimal-Cənub nəqliyyat dəhlizində yerləşən Kveşeti-Kobi magistral yolu üzərində 9 km uzunluğunda tunelin birgə inşası üçün Gürcüstana hökumətinə 60 mln. ABŞ dolları məbləğində maliyyə vəsaiti ayrılmasını təsdiqləyib.
APA-nın yerli bürosu xəbər verir ki, bu barədə Gürcüstanın Yollar İdarəsi məlumat paylaşıb.
Bildirilib ki, Kveşeti-Kobi magistral yolunun və tunelin inşası üçün Asiya İnkişaf Bankı (AİB) 415 mln. dollar ayırıb. Layihədə dövlətin birgə maliyyələşdirməsi isə 83,6 mln. dollar təşkil edəcək.
Yol üzərində ümumilikdə 6 körpü və 5 tunelin tikintisi planlaşdırılır. 9 km uzunluğunda olan tunelin eni 15 metr təşkil edəcək, uzunluğuna görə isə o, Qafqazda ən uzun tunel statusuna sahib olacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
