Azərbaycan Avropa Yenidənqurma və İnkişaf Bankında (AYİB) səhm payını qorumaq üçün əlavə maliyyə öhdəliyi götürüb.
“APA-Economics” xəbər verir ki, bu barədə Milli Məclisinin iclasında müzakirəyə çıxarılan "Azərbaycan Respublikası Nazirlər Kabinetinin 2025-ci ildə fəaliyyəti haqqında hesabatı"nda qeyd olunub.
Hesabata əsasən, Azərbaycan 1992-ci ildən üzv olduğu AYİB-də 3001 səhm ilə 0,1% paya malikdir.
AYİB-in Müdirlər Şurasının qərarına uyğun olaraq Bankın ödənilən kapitalının 4 mlrd. avro artırılması çərçivəsində yeni səhmlər buraxılıb və üzv ölkələrə mövcud paylarına uyğun olaraq əlavə səhmlərə abunə olmaq təklif edilib.
Azərbaycanın AYİB-də mövcud 0,1%-lik səhm payını qoruyub saxlaması üçün 403 səhmə abunə olması nəzərdə tutulub. Bunun üçün ümumilikdə 4,03 mln. avro vəsait ayrılıb.
Bununla bağlı “Avropa Yenidənqurma və İnkişaf Bankının Abunəlik, Təmsilçilik və Öhdəlik Sənədi” 2025-ci il dekabrın 30-da imzalanaraq AYİB-ə təqdim edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
