2021-ci ildə Azərbaycanda debet və kredit kartları vasitəsilə 11,172 mlrd. manat həcmində nağdsız ödənişlər həyata keçirilib.
"APA-Economics"in Azərbaycan Mərkəzi Bankının (AMB) məlumatları əsasında apardığı hesablamalarına görə, bu, ötən ilin eyni dövrü ilə müqayisədə 82,7% çoxdur.
Sözügedən nağdsız ödənişlərin 37 mln. manatı ATM-lər, 3,926 mlrd. manatı POS-terminallar, 7,208 mlrd. manatı isə elektron ticarət vasitəsilə həyata keçirilib.
Qeyd edək ki, dekabrda elektron ticarətdə həyata keçirilən nağdsız ödənişlərin həcmində yeni tarixi rekord qeydə alınıb. Belə ki, təkcə dekabrda elektron ticarət şəbəkəsində istifadəçilər 1,076 mlrd. manatlıq ödənişlər həyata keçiriblər. Bu, indiyədək qeydə alınan ən yüksək aylıq göstəricidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
