Ləğv prosesində olan "Bank Standard" QSC-nin Kreditorlar Komitəsinin sədri Əkrəm Həsənov istefa verəcək. "APA-Economics"in məlumatına görə, bu barədə Ə. Həsənov sözügedən Komitənin növbəti iclasında deyib.
Onun sözlərinə görə, iclasın gündəliyində duran əsas məsələ Komitənin yeni tərkibdə formalaşması və yeni sədrin seçilməsidir.
Ə. Həsənov təklif edib ki, bugünkü iclasın iştirakçıları Komitənin sədri və katib vəzifəsinə namizədləri özləri irəli sürsünlər. O, həmçinin, əlavə edib ki, səsvermə keçirmək üçün bugünkü iclasda Komitənin yetərincə üzvlərinin iştirak etmədiyi üçün iclasda heç bir qərar qəbul olunmayacaq.
Qeyd edək ki, iclasda komitənin 27 üzvündən cəmi 11-i iştirak edir. Əsasnamənin tələblərinə görə isə bu say minimum 18 olmalıdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
