Bu il Azərbaycanda istehlak qiymətlərinin ortaillik artımının 4,5% təşkil edəcəyi gözlənilir.
"APA-Economics"in məlumatına görə, bu barədə Dünya Bankının yenilənmiş regional hesabatında deyilir. Qeyd edilir ki, idxal olunan ərzaq və qeyri-ərzaq mallarının qiymətlərinin sürətlə artması və daxili tələbatın bərpası bu il inflyasiyanın sürətlənməsinə səbəb olacaq. Xarici inflyasiya təzyiqlərinin 2022-ci ildə yüksək, daha sonra isə orta səviyyədə qalacağı gözlənilir.
Qeyd edək ki, bank 2023-cü ildə ölkədə ortaillik inflyasiyanın 4,6%-ə qədər yavaşlayacağını proqnozlaşdırır.
Xatırladaq ki, Asiya İnkişaf Bankının son proqnozuna görə, Azərbaycanda istehlak qiymətlərinin ortaillik artımı 2022-ci ildə 7% təşkil edəcək. 2023-cü ildə isə orta illik infyasiyanın zəifləyərək 5,3% səviyyəsinə enəcəyi proqnozlaşdırılır. Ötən il Azərbaycanda ortaillik inflyasiya 6,7% təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
