Dünya Bankı bu il Azərbaycanın icmal budcəsinin profisitinin ÜDM-in 4,3%-ini təşkil edəcəyini gözləyir.
"APA-Economics"in məlumatına görə, bu barədə Dünya Bankının yenilənmiş regional hesabatında deyilir. Bildirilir ki, profisiti əlverişli neft-qaz qiymətləri, canlanan iqtisadi fəaliyyətlə əlaqədar artan büdcə gəlirləri və 2022-ci ildə qüvvəyə minməsi gözlənilən qeyri-neft/qaz ilkin balansını hədəfləyən yeni büdcə qaydası ilə şərtləndirilmiş sabit xərclər dəstəkləyəcək. 2023-cü ildə isə profisitin ÜDM-in 4,4%-i səviyyəsində olacağı proqnozlaşdırılır.
Xatırladaq ki, hökümətin 2022-ci il üçün təqdim etdiyi icmal büdcəsi üzrə layihəsinə görə, Azərbaycanın bu il üçün icmal büdcəsinin gəlirləri 27,677 mlrd. manat, xərcləri isə 32,906 mlrd. manat məbləğində nəzərdə tutulur. Kəsirin proqnozlaşdırılan ÜDM-in 5,1%-nə bərabər olması gözlənilir.
Qeyd edək ki, 2021-ci ildə icmal büdcəsinin 33,904 mlrd. manat, xərcləri isə 29,991 mlrd. manat təşkil edib. Nəticədə 3,913 mlrd. manatlıq və ya ÜDM-in 4,2%-i səviyyəsində profisit yaranıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
