2023-cü ildə Azərbaycanın ümumi idxalı 2022-ci illə müqayisədə 18.9% artaraq 17 milyard 285.3 milyon ABŞ dolları təşkil edib.
“APA-Economics” Nazirlər Kabinetinin 2023-cü ildə fəaliyyəti haqqında hesabatına istinadən xəbər verir ki, ötən il Azərbaycanın ümumi idxalının 56.14%-i ( 9 mlrd. 703 mln. dollar) idxal gömrük rüsumundan, 23.20%-i ( 4 mlrd. 10.7 mln. dollar) isə əlavə dəyər vergisindən (ƏDV) azad edilib.
Qeyd edək ki, 2023-cü ildə Azərbaycanın gömrük rüsumundan azad edilən idxalın dəyəri əvvəlki illlə müqayisədə 17.5% və ya 1 milyard 447.2 milyon dollar, ƏDV-dən azad edilən idxalın dəyəri isə 43.5% və ya 1 milyard 215,7 milyon dollar artıb.
Əlavə edək ki, ötən il gömrük rüsumuna cəlb edilən idxalın həcmi əvvəlki illə müqayisədə 20.7% və ya 1 milyard 298.4 milyon dollar artaraq 7 milyard 582 milyon dollara, ƏDV-yə cəlb edilən idxalın həcmi isə 13% və ya 1 milyard 529.9 dollar artaraq 13 milyard 274.7 milyon dollara bərabər olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
