Bu ilin II rübündə Türkiyənin “Petkim” neft-kimya kompleksinin (əsas payı SOCAR-a məxsusdur) xalis mənfəəti 1 mlrd. 325 mln., ümumi dövriyyəsi isə 7 mlrd. 397 mln. Türk lirəsi (TL) təşkil edib.
“APA-Economics”in “SOCAR Türkiyə”yə istinadən verdiyi məlumata görə, bu da müəssisə üzrə tarixi hər iki göstərici üzrə ən yüksək göstəricidir.
Məlumata görə, 2021-ci ilin birinci yarısında “Petkim”in xalis mənfəəti 2 mld. 216 mln. TL təşkil edib.
Xatırladaq ki, Azərbaycan Mərkəzi Bankının 17 avqust 2021-ci il tarixinə olan məzənnəsinə görə, 1 TL 0,2008 AZN təşkil edir.
Qeyd edək ki, SOCAR tərəfindən 2008-ci ildə səhmlərinin 51%-i alınan "Petkim" neft-kimya kompleksi Türkiyədə ilk və yeganə inteqrasiya olunmuş neft-kimya zavodudur. Türkiyə neft-kimya bazarının ən etibarlı tədarükçüsü olan "Petkim"in 15 əsas və 6 köməkçi müəssisəsində 60-a yaxın neft-kimya məhsulu istehsal edilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
