Britaniya-Hollandiya neft-qaz şirkəti olan "Shell" Rusiyada bir sıra fəaliyyətlərinin dayandırılması səbəbindən ötən dövrdə 4-5 mlrd. ABŞ dolları itirəcək.
"APA-Economics"in xarici mətbuata istinadən verdiyi məlumatına görə, bu barədə şirkətin qiymətləndirməsində deyilir.
2022-ci ilin I rübündə Rusiyada uzunmüddətli aktivlərin dəyərsizləşməsinin və vergilərdən sonra əməliyyatlarla bağlı əlavə xərclərin təsirinin 4 mlrd. dollardan 5 mlrd. dollara qədər olacağı gözlənilir.
Şirkət qeyd edir ki, bu xərclərin düzəliş edilmiş mənfəətə təsir göstərməsi gözlənilmir.
Xatırladaq ki, "Shell" "Saxalin-2" layihəsi də daxil olmaqla, "Qazprom" və "Qazprom Neft" ilə birgə müəssisələrdən çıxmaq və "Şimal axını-2"də iştirakını dayandırmaq qərarına gəlmişdi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
