Bakı. Yeganə Laçınzadə - APA-Economics. “Amrahbank” 2014-cü ildə aktivlərini 38% artıraraq 207,145 mln. manata çatdırıb.
Bankdan “APA-Economics”ə verilən məlumata görə, cari ilin yanvarın 1-nə bankın kredit portfeli 20,5% artaraq 120,125 mln. manat təşkil edib.
“Amrahbank”ın öhdəlikləri 34,7% artaraq 153,655 mln. manata çatıb.
Hesabat dövründə bankda müştəri hesabları 18,6% artaraq 108,789 mln. manat təşkil edib.
Ötən ilin sonuna bankın kapitalı 24,7% artaraq 53 mln. 489,626 min manata, nizamnamə kapitalı isə 44,2% artaraq 39 mln. 844,4 min manata bərabər olub.
2014-cü ildə fəaliyyətinin yekunları üzrə bankın xalis mənfəəti 4 mln. 188,3 min manat təşkil edib.
“Amrahbank” ASC 1993-cü ildə yaradılıb. Bankın səhmdarları Beynəlxalq İnvestisiya Bankı (45,84%) və fiziki şəxslərdir (54,16%).
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
