Bakı. Pərviz Nuriyev – APA-Economics. “DəmirBank” ölkə daxilində və dünyanın 200-dək ölkəsində ticarət və xidmət mərkəzlərində, internetdə və bankomatlarda istifadə imkanı verən “DəmirTaksit” kartlarını pulsuz təqdim edir.
Bankdan “APA-Economics”ə verilən məlumata görə, kart vasitəsilə balansdakı məbləği istənilən zaman nağdlaşdırmaq mümkündür. Bu o deməkdir ki, kart sahiblərinin nağdlaşdırma üçün hər hansı bayram və ya xüsusi günləri gözləməsinə ehtiyac qalmır.
Kart heç bir partnyor şəbəkəsindən asılı deyil və bu da kart sahiblərinə POS-terminal olan istənilən ticarət və xidmət mərkəzində rahat alış-veriş etmək imkanı verir. “DəmirTaksit” sahibləri olanlar üçün ən böyük üstünlüklərdən biri də odur ki, kartdan istifadə zamanı ödənilən məbləği 1, 3, 6 və 12 aya bölərək hissələrlə ödəmək imkanı əldə edilir. Digər bir üstünlük isə müştərinin “DəmirBank”dan əldə etdiyi “DəmirTaksit” kartlarının avtomatik olaraq SMS məlumatlandırma xidmətinə heç bir xidmət haqqı tutulmadan qoşulmasıdır. Bu xidmət sayəsində müştəri aylıq ödənişlərlə bağlı əvvəlcədən məlumat əldə edə bilir.
Kartı əldə etmək üçün minimal aylıq xalis gəlir tələbi 100 AZN-dir və təminat tələb olunmur.
Ölkənin ilk kommersiya banklarından olan “DəmirBank” 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir. DəmirBank Fitch Ratings agentliyinin “stabil” proqnozlu “B” və Planet Rating agentliyinin “pozitiv” proqnozlu “B” reytinqlərinə malikdir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
