Bakı. Vahab Rzayev – APA-Economics. Azərbaycanın «Bank SilkWay» ASC-nin 2013-cü ilin yanvar-iyun aylarında əldə etdiyi gəlirlərin həcmi 8,190 mln. manat təşkil edib ki, bu da 2012-ci ilin müvafiq dövrünün göstəricisindən 32,4% çoxdur. Bankdan «APA-Economics»ə verilən məlumata görə, eyni zamanda bankın xərcləri 36,5% artaraq 4,804 mln. manata çatıb.
«Bank SilkWay»in hesabatına əsasən, ilk yarımillik ərzində bank 1,713 mln. manat həcmində mənfəət əldə edib ki, bu da illik müqayisədə 15,6% azdır.
Qeyd edək ki, hesabat dövründə bankın faiz gəlirləri 5,806 mln. manat, qeyri-faiz gəlirləri 2,384 mln. manat, faiz xərcləri 1,784 mln. manat, qeyri-faiz xərcləri isə 3,021 mln. manat təşkil edib. Son bir ildə bankın faiz mənfəəti 2 dəfə artaraq 4,022 mln. manata çatıb. Bu il bankın qeyri-faiz zərəri 0,637 mln. manat təşkil edib, halbuki ötən ilin ilk yarısında 0,642 mln. manat həcmində qeyri-faiz mənfəəti müşahidə olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
