Bakı. Nail Hüseynli – APA-Economics. «Finca Azerbaijan» qeyri-bank kredit təşkilatına yeni baş icraçı menecer təyin olunub. Bundan sonra bu vəzifəni Timoti Tarrant icra edəcək.
«APA-Economics»in məlumata görə, bununla bağlı bu gün təşkilatın Bakıdakı baş ofisindən keçirilən mətbuat konfransında bildirilib ki, «Finca Azerbaijan»ın müştər bazasının 86%-i regionları təmsil edir, kredit alanların 34%-i isə qadınlardır.
T.Tarrant 2014-cü ildə «Finca Azerbaijan»ın kredit portfelinin 10% artaraq 220 mln. ABŞ dollarına çatacağını proqnozlaşdırdıqlarını bildirib.
Qeyd edək ki, artıq 15 ildir fəaliyyət göstərən «Finca Azerbaijan» indiyədək müştərilərə toplamaq olaraq 1 mlrd. dollara yaxın kredit verib. Təşkilatın cari kredit portfelinin həcmi isə hazırda 190 mln. dollar təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
