Bakı. Nicat Mustafayev – APA-Economics. Azərbaycanın «Muğanbank» ASC cari ilin noyabrın 1-nə olan maliyyə göstəricilərini açıqlayıb.
«APA-Economics»in bankın yaydığı xəbərə istinadən verdiyi məlumata görə, noyabrın 1-nə «Muğanbank»ın aktivlərinin həcmi 269,065 mln. manata çatdırılıb ki, bu da ötən ayla müqayisədə 2,6% çoxdur. Bankın məcmu kapitalı isə 39,590 mln. manat təşkil edib.
Həmçinin, əhalinin əmanətləri 78,844 mln. manata çatdırılıb. Bankın kredit portfeli isə artaraq 204,666 mln. manat təşkil edib.
«Göstərilən tarixə «Muğanbank» ASC-nin faiz gəlirləri 22,280 mln. manata, qeyri-faiz gəlirləri isə 10,379 mln. manata çatdırılıb», - deyə bankın məlumatında qeyd olunub.
«Muğanbank» ASC-nin müvafiq dövr üçün likvidlik əmsalı 57,79%-ə bərabər olub.
Xatırladaq ki, təsisçisi dörd fiziki şəxs olan «Muğanbank» ASC 1992-ci ildən fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
