Bakı - APA-Economics. "Fitch" beynəlxalq reytinq agentliyi "Azərenerji" ASC-nin uzunmüddətli defolt emitenti reytinqini "BBB-" səviyyəsində təsdiqləyib.
"APA-Economics"in xəbərinə görə, proqnoz - "Stabil"dir.
Agentlik xarici valyutada qısamüddətli defolt emitenti reytinqini "F3" səviyyəsində təsdiq edib.
"Reytinqin bu səviyyədə təsdiqlənməsi "Azərenerji" ASC-nin onun yeganə səhmdarı olan Azərbaycan hökuməti ilə güclü hüquqi, əməliyyat və strateji əlaqələrin olmasına bağlıdır. Manatın devalvasiyası ASC-nin müstəqil kreditləşmə qabiliyyətinə təsir edib. Belə ki, "Azərenerji"nin gəliri və borcu arasında uyğunsuzluq yaranıb. 2014-cü ilin sonunda "Azərenerji"nin borcunun 80%-i xarici valyutada (əsasən, avro, dollar və yapon yeni) olduğu vaxtda, gəliri əsasən manatla idi", - deyə agentliyin ekspertləri qeyd edib.
Ekspertlər hesab edir ki, Azərbaycan hökuməti "Azərenerji"ni dəstəkləməyə davam edəcək. Bununla yanaşı, analitiklər "Azərenerji"yə likvidlik defisitini aradan qaldırmağı tövsiyə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
