“Moody’s” beynəlxalq reytinq agentliyi “Bank of Baku” ASC-nin kredit ödəmə qabiliyyətinin baza səviyyəsini b3-dən caa1 səviyyəsinə, uzunmüddətli depozit reytinqini isə B3-dən Caa1 səviyyəsinə endirib. “APA-Economics” reytinq agentliyinin yaydığı məlumata istinadən xəbər verir ki, reytinq üzrə proqnoz neqativdir.
Bildirilir ki, proqnozun neqativ olması ötən iki il ərzində bankın xalis zərərinin yüksək olmasını, o cümlədən kapital eroziyası ilə üzləşməsini əks etdirir. “2016-cı ildə bankın zərəri 15,3 milyon manat, 2017-ci ilin ilk dörd ayının sonuna isə 16,8 milyon manat təşkil edib. Nəticədə bankın kapitalı 2017-ci mayın 1-nə 53,7 milyon manata enib. Növbəti 12-18 ay ərzində bankın zərərinin artacağını düşünürük. Buna görə də və kapitala olan tələbin yerinə yetirilməsi üçün əlavə kapital inyeksiyası gözlənilir,” – deyə məlumatda qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
