Aktivlərinin ümumi həcminə görə Azərbaycanın ən iri sığorta şirkəti olan "PAŞA Həyat Sığorta" ASC 2017-ci ilin yanvar-aprel ayları üzrə əsas maliyyə göstəricilərini açıqlayıb.
Şirkətin ictimaiyyətlə əlaqələr xidmətindən "APA-Economics"ə verilən məlumata görə, operativ məlumatlar əsasında hazırlanan hesabatın nəticələrinə əsasən, cari ilin ilk 4 ayında "PAŞA Həyat Sığorta" tərəfindən ümumilikdə 52,408 mln. manat həcmində sığorta haqqı toplanılıb ki, bu da 2016-cı ilin müvafiq dövrü ilə müqayisədə 26,026 mln. manat və ya təxminən 2 dəfə çoxdur.
Hesabat dövründə baş vermiş müxtəlif sığorta hadisələrinə görə "PAŞA Həyat Sığorta" tərəfindən ödənilən sığorta ödənişlərinin həcmi isə 2,778 mln. manat və ya 37% artaraq 10,109 mln. manata çatıb.
Cari ilin aprel ayının 1-nə nizamnamə kapitalının həcmi 40,250 mln. manat təşkil edən "PAŞA Həyat Sığorta" 2011-ci ilin fevral ayından fəaliyyət göstərir. Şirkət müştərilərə sərfəli şərtlərlə müxtəlif həyat sığortası məhsulları, o cümlədən “həyatın müddətli sığortası”, “istehsalatda bədbəxt hadisələrdən icbari sığorta”, “yığım tərkibli yaşam sığortası”, “sağalmaz xəstəliklərdən sığorta”, “Ailəmin PAŞA Güvənliyi” adlı fərdi könüllü həyat sığortası məhsulları təklif edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
