Bakı. Yeganə Laçınzadə - APA-Economics. İlk Avropa Oyunlarının keçirilməsi ilə əlaqədar mayın 1-dən iyulun 1-nə kimi İcbari Sığorta Bürosu (İSB) xüsusi iş rejiminə keçəcək.
İSB-dən “APA-Economics”ə verilən məlumata əsasən, adi iş günlərindən fərqli olaraq işçilər işə daha tez başlayıb, iş gününü daha tez yekunlaşdıracaqlar.
İşçilərin 50%-i üçün iş vaxtı saat 8:00-dan başlayıb, saat 17:00-da, digər 50%-i üçün isə 08:30-dan başlayıb 17:30-da bitəcək.
Qeyd edək ki, bir müddət əvvəl Nazirlər Kabineti Bakıda keçirilən Birinci Avropa Oyunlarına görə nəqliyyatda sıxlığın qarşısını almaq məqsədilə dövlət və qeyri-dövlət qurumlarında iş rejimini dəyişmək barədə qərar verib. Birinci Avropa Oyunları bitdikdən sonra müəssisələr adi iş rejiminə qayıdacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
