Gürcüstanda keçirilən Ümumdünya Gömrük Təşkilatının (ÜGT) İnformasiya Texnologiyaları üzrə konfrans və sərgisində Azərbaycan nümayəndə heyəti də iştirak edir.
Dövlət Gömrük Komitəsinin (DGK) Mətbuat Xidmətindən "APA-Economics"ə verilən məlumata görə, ÜGT İnformasiya Texnologiyaları üzrə konfrans və sərgisində iştirak etmək məqsədilə səfərdə olan DGK sədri Aydın Əliyevin rəhbərlik etdiyi nümayəndə heyəti bu gün informasiya texnologiyaları sərgisinə baxış keçirib. Nümayəndə heyəti sərgidə nümayiş olunan gömrük nəzarətinin təşkili prosesində tətbiq edilən ən müasir innovativ yeniliklər, texniki nəzarət vasitələri ilə tanış olub.