Bakı. Əli Əhmədov – APA-Economics. Bu ilin mart ayında Dövlət Gömrük Komitəsinin (DGK) xətti ilə dövlət büdcəsinə 109 930,75 min manat vergi və rüsumlar toplanıb. Bu barədə «APA-Economics»ə DGK-dən bildirilib. Ötən ilin mart ayı ilə müqayisədə büdcə daxilolmaları 14,9% artıb.
Komitədən verilən məlumata görə, mart ayında toplanan məbləğin 24 739,12 min manatı gömrük rüsumları, 80 183,65 min manatı ƏDV, 3 806,28 min manatı aksizlər, 1 201,7 min manatı yol vergilərinin payına düşüb.
Ümumilikdə, bu ilin yanvar-mart aylarında DGK-nin xətti ilə büdcəyə 289 513,23 min manat vəsait ödənilib ki, bu da ötən ilin eyni dövrü ilə müqayisədə 15% artıqdır.
Bu ilin I rübündə DGK-nin xətti ilə toplanan məbləğin 60 281,29 min manata gömrük rüsumları, 216 053,36 min manatı ƏDV, 9 516,85 min manatı aksizlər, 3 661,73 min manatı isə yol vergilərinin payına düşüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
