Bakı. Vahab Rzayev – APA-Economics. Azərbaycanın 2013-cü ili üzrə tədiyyə balansına əsasən, ölkənin xalis maliyyə aktivləri 11,759 mlrd. dollar təşkil edib. «APA-Economics»in xəbər verdiyi kimi, bu göstərici xaricə yönəldilmiş birbaşa investisiyalar (1 477,9 mln. dollar), portfel investisiyaları (322,8 mln. dollar) və digər investisiyalar (9 958,6 mln. dollar) hesabına formalaşıb:
(mln. dollar)
|
|
Aktivlər |
Öhdəliklər |
|
Birbaşa investisiyalar |
1 477,9 |
2 617,1 |
|
- neft-qaz sektoru |
1 039,0 |
1 629,8 |
|
- digər sektorlar |
438,9 |
987,3 |
|
Portfel investisiyaları |
322,8 |
1 041,3 |
|
Digər investisiyalar |
9 958,6 |
1 609,7 |
|
- ticarət kreditləri və avanslar |
4 832,3 |
180,0 |
|
- kreditlər və ssudalar |
256,0 |
408,9 |
|
- depozitlər və nağd valyuta |
4 870,3 |
1 020,8 |
|
Neft bonusu |
0,0 |
2,4 |
|
CƏMİ |
11 759,3 |
5 270,5 |
Mərkəzi Bankın tədiyyə balansına dair şərhində deyilir ki, birbaşa investisiyalar formasında xaricdən cəlb olunmuş sərmayələrin ümumi məbləği 6,3 mlrd. dollar olub ki, bu investisiyaların strukturunda neft-qaz sektorunun xüsusi çəkisi 82,4% təşkil edir. Cəlb olunmuş sərmayələr iri neft-qaz layihələrinin, əsasən «Şahdəniz» və «Azəri-Çıraq-Günəşli» layihələri üzrə görülən işlərin maliyyələşdirilməsi ilə əlaqədar ölkə iqtisadiyyatında istifadə olunub. Qiymətləndirmələrə görə, qeyri-neft sektoruna cəlb olunmuş birbaşa investisiyaların ümumi məbləği 1 107,7 mln. dollar olub. Bu da ölkəyə cəlb olunmuş birbaşa xarici investisiyaların ümumi həcminin 17,6%-ni təşkil edib.
Hesabat dövründə kreditlər və ssudalar üzrə xalis maliyyə aktivləri 256,0 mln. dollar, xalis maliyyə öhdəlikləri isə 408,9 mln. dollar artıb. Xalis maliyyə öhdəlikləri birbaşa dövlət və dövlət təminatlı kreditlər hesabına 409,7 mln. dollar, banklar hesabına 362,8 mln. dollar artdığı halda, digər müəssisələr və firmalar hesabına 363,5 mln. dollar azalıb.
Depozitlər və nağd valyuta üzrə xalis maliyyə aktivləri 4,9 mlrd. dollar, xalis maliyyə öhdəlikləri isə 1 020,8 mln. dollar artıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
