Maliyyə

Ana səhifə

Maliyyə

Bakı Fond Birjasının dövriyyəsi üzrə azalma davam edir

02 iyul 2013 10:08 (UTC +04:00)

Bakı. Nicat Mustafayev – APA-Economics. Bu ilin yanvar-iyun ayları ərzində Bakı Fond Birjasında (BFB) bütün alətlər üzrə aparılmış əməliyyatların ümumi həcmi 2,985 mlrd. manat təşkil edib. Bu da 2012-ci ilin eyni dövrü ilə müqayisədə 48% azdır.

BFB-dan «APA-Economics»ə verilən məlumata görə, hesabat dövründə korporativ qiymətli kağızlar (KQK) bazarının həcmi 2 dəfə artaraq 233,587 mln. manat təşkil edib. Korporativ istiqrazların ilkin bazarının həcmi hesabat dövründə 95,5% artaraq 62,905 mln. manat, təkrar bazarın həcmi isə 2 dəfə artaraq 170,682 mln. manat təşkil edib.

Səhm bazarına gəldikdə isə, hesabat dövründə səhmlərin ilkin bazarı 4,9 dəfə artıb, təkrar bazarı isə 4% azalıb. Ümumiyyətlə, hesabat dövründə səhm bazarı ötən ilin eyni dövrü ilə müqayisədə 4,4 dəfə artaraq 1 765,560 mln. manat təşkil edib.

Bu ilin ilk yarısında BFB-nin dövriyyəsinin mənfi dinamikasına dövlət qiymətli kağızları (DQK) bazarı, əsasən də notlar üzrə repo əməliyyatları və notların ilkin bazarı səbəb olub. Belə ki, Azərbaycan Mərkəzi Bankının notlarının ilkin bazarının həcmi 2012-ci ilin analoji dövrünə nisbətən 3,4 dəfə azalıb. Notların təkrar bazarı isə 3,5 dəfə artıb. Eyni zamanda, hesabat dövründə notlar üzrə repo əməliyyatları 2,2 dəfə azalaraq 2,295 mln. manat təşkil edib.

Yanvar-iyun aylarında dövlət istiqrazlarının (Dİ) ilkin bazarı 30,4% artaraq 46,627 mln. manat, təkrar bazarı isə 6,7 dəfə artaraq 8,933 mln. manat təşkil edib. Ümumiyyətlə, hesabat dövründə DQK bazarı hesabat dövründə 2,2 azalaraq 2,574 mlrd. manat olub.

BFB-da keçirilmiş hərracların müqayisəli cədvəli

Bazarın seqmentləri	Yanvar-iyun, 2013		Yanvar-iyun, 2012		Nisbət, %
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Nisbət, %
Dİ (AMN) (yerləşdirmə)	46 627 770,64	29	35 753 471,07	15	30,4%
Dİ (AMN) (təkrar bazar)	8 933 627,52	3	1 325 851,92	2	6,7 dəfə
Notlar (AMB) (yerləşdirmə)	179 933 454,86	69	604 249 270,36	145	-3,4 dəfə
Notlar (AMB) (təkrar bazar)	43 955 612,02	4	12 486 939,02	8	3,5 dəfə
Repo əməliyyatları	2 295 470 977,90	218	4 938 350 331,89	659	-2,2 dəfə
DQK bazarı cəmi	2 574 921 442,94	323	5 592 165 864,26	829	-2,2 dəfə
Korporativ istiqrazlar (yerləşdirmə)	62 905 276,60	47	32 185 335,00	53	95,5%
Korporativ istiqrazlar (təkrar bazar)	170 682 297,37	82	83 782 802,71	32	2 dəfə
Səhmlər (yerləşdirmə)	171 970 589,10	189	35 451 602,55	47	4,8 dəfə
Səhmlər (təkrar bazar)	4 590 768,02	1 999	4 780 830,77	1 809	-4%
KQK bazarı cəmi	410 148 931,09	2 317	156 200 571,03	1 941	2,6 dəfə
Cəmi	2 985 070 374,03	2 640	5 748 366 435,29	2 770	-48%