Bakı. Əli Əhmədov – APA-Economics. Bu ilin yanvar-oktyabr aylarında Azərbaycan Vergilər Nazirliyi tərəfindən dövlət büdcəsinə vergi daxilolmalarının həcmi 5 259,784 mln. manat təşkil edib. Vergilər Nazirliyindən «APA-Economics»ə verilən məlumata görə, bu məbləğin 39,3%-i mənfəət vergisi, 23,1%-i əlavə dəyər vergisi, 12,6%-i fiziki şəxslərin gəlir vergisi, 7,7%-i aksizlərin, 17,3%-i isə digər vergilərin payına düşüb.
İlk 10 ayda toplanan vəsaitin 2 768,9 mln. manatı və ya 52%-i qeyri-neft sektoru üzrə daxil olub ki, bu da ötən ilin müvafiq dövrünə nisbətən 13,9% çoxdur.
Yanvar-oktyabr aylarında respublika üzrə 60 668 vergi ödəyicisi qeydiyyata alınıb. Ötən ilin iyulun 1-dən cari ilin noyabrın 1-dək 47 485 fiziki şəxs elektron qaydada qeydiyyatdan keçib. Hazırda, noyabrın 1-i vəziyyətinə qeydiyyatda olan vergi ödəyicilərinin ümumi sayı 472 126-dır. Bu ilin yanvar-oktyabr ayları ərzində Azərbaycanda elektron formada göndərilmiş bəyannamələrin xüsusi çəkisi 90% təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
