Bakı. Pərvin Abbasov – APA. Milli Məclisin (MM) plenar iclasında deputatlar dövlət büdcəsində siyasi partiyalar üçün nəzərdə tutulmuş maliyyə vəsaitinin artırılmasını təklif ediblər.
APA-nın məlumatına görə, BQP başqanı Fazil Mustafa bildirib ki, müvafiq vəsait artırılmalıdır: «Siyavuş Novruzov deyir ki, Yeni Azərbaycan Partiyasını xalq dəstəkləyir, dəstəyə ehtiyacı yoxdur. Digər partiyaların isə dövlət dəstəyinə, vəsaitinə ehtiyacı var. O halda bu vəsait Yeni Azərbaycan Partiyasına yox, digər partiyalara verilsin”.
MM sədri Oqtay Əsədov isə xatırladıb ki, partiyalara ilk dəfədir vəsait ayrılacaq: “Siz pulun artırılmasını istəyirsiniz. Digər tərəfdən, Siyavuş Novruzovun sözlərini təkrarladınız və Yeni Azərbaycan Partiyasına pul verilməməsini istədiniz. Xalq dəstəkləməyən partiyanı dövlət niyə dəstəkləməlidir?”
YAP-ın icra katibi, sədr müavini Əli Əhmədov və onun müavini Siyavuş Novruzov da partiyalar üçün ayrılmış maliyyə vəsaitinin artırılmasını təklif ediblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
