Bakı. Yeganə Laçınzadə - APA-Economics. Azərbaycanda fəaliyyət göstərən kredit təşkilatlarında yerləşdirilmiş depozitlərin həcmi 2015-ci il noyabrın 1-nə 17 150,5 mln. manat təşkil edib.
Azərbaycan Mərkəzi Bankından (AMB) “APA-Economics”ə verilən məlumata görə, bu göstərici ötən ilin müvafiq dövrü ilə müqayisədə 2 323,8 mln. manat və ya 15,67% çoxdur. O cümlədən, sentyabr ayı ilə müqayisədə cari ilin oktyabrın ayında depozitlərin həcmi 327 mln. manat və ya 1,87% azalıb.
Depozitlərin tərkibində 7 172,9 mln. manatı və ya 41,82%-i ev təsərrüfatları əmanətlərinin payına düşür. Əmanətlərin həcmi 2014-cü ilin noyabrın 1-nə nisbətən 167,5 mln. manat və ya 2,39% artıb.
Eyni zamanda hüquqi şəxslərin depozitlərinin həcmi bu ilin noyabrın 1-nə 9 977,6 mln. manata bərabərdir. Bu göstərici illik müqayisədə 2 156,3 mln. manat və ya 27,57% artıb.
Hüquqi şəxslərin depozitlərinin tərkibində 5 049,8 mln. manatı və ya 50,6%-i maliyyə təşkilatların depozitlərinin, 4 927,8 mln. manatı və ya 49,4%-i qeyri-maliyyə təşkilatların depozitlərinin payına düşür.
Yerli banklarda depozitlərin 4 314,7 milyonu manatla, 12 835,8 milyonu isə xarici valyutada yerləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
