MDB

Ana səhifə

MDB

Gürcüstanda yaşayan azərbaycanlılar “Gürcüstan bizimdir” aksiyasına qoşulacaqlar

01 sentyabr 2008 08:41 (UTC +04:00)

Bakı. Laçın Sultanova-APA. Gürcüstan Azərbaycanlıları Konqresi Gürcüstanda yaşayan soydaşlarımızı “Gürcüstan bizimdir” devizi altında keçirilən aksiyaya qoşulmağa dəvət edib. Konqressdən APA-ya verilən məlumata görə, azərbaycanlılar Gürcüstanın ərazi bütövlüyü və suverenliyi uğrunda gürcü xalqı ilə birlik və həmrəylik nümayiş etdirməyə çağırılıb. Konqress dünya ictimayyətlinə müraciət də qəbul edib. Müraciətdə deyilir ki, Gürcüstanda yaşayan azərbaycanlılar ölkədə yaranmış vəziyyətdən narahatdır və Rusiyanın işğalına etiraz edirlər: “Rusiyanın Cənubi Osetiya və Abxaziyanın müstəqilliyini tanıması Gürcüstanın ərazi bütövlüyünə təhlükə yaradıb. Bu, bizim üçün qəbulolunmazdır, biz dünya ictimayyətini ölkənin ərazi bütövlüyü və suverenliyini müdafiə etməyə, Gürcüstan vətəndaşlarının təhlükəsizliyi və hüquqlarını qorumağa, Gürcüstanın ərazi bütövlüyü prinsipi əsas tutularaq danışıqlar aparmağa çağırırıq”.

Gürcüstan_Cənubi_Osetiya