Bank Of Baku

Qırğızıstanda baş verən toqquşmalarda 118 nəfər həlak olub, 1609 nəfər yaralanıb

Qırğızıstanda baş verən toqquşmalarda 118 nəfər həlak olub, 1609 nəfər yaralanıb
# 14 iyun 2010 10:46 (UTC +04:00)
APA-nın məlumatına görə, bu barədə RİA “Novosti”-yə Qırğızıstan Səhiyyə Nazirliyinin mətbuat katibi Yelena Bayalinova bildirib.

“Son məlumatlara görə, toqquşmalar başlayandan 1609 nəfər tibbi yardım üçün müraciət edib, 118 nəfər həlak olub. Oş vilayəti üzrə 1274 nəfər xəstəxanalara müraciət edib, 94 nəfər ölüb. Cəlalabadda isə xəstəxanalara müraciət edənlərin sayı 335-dir, onlardan 118-i xəstəxanaya yerləşdirilib. Cəlalabadda 24 nəfər həlak olub”, - deyə nazirlik rəsmisi vurğulayıb.

Qeyd edək ki, artıq 3 sutkadır, Qırğızıstanın cənub paytaxtı olan Oşda qırğızlarla özbəklər arasında etnik toqquşmalar davam edir. Vilayətdə qarət və evlərin yandırılması kütləvi hal alıb. Hər iki tərəf odlu silahla silahlanıb. Dünən toqquşmalar qonşu Cəlalabad vilayətinə də keçib. Hər iki vilayətdə fövqəladə vəziyyət rejimi tətbiq olunub.

Onu da əlavə edək ki, Rusiya artıq Qırğızıstanda humanitar yardım göndərib.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR