Ermənistanda məhkəmə katolikos II Qareginin qardaşı Qevork Nersisyan və onun oğlu Hambardzum Nersisyan barəsində hökm çıxarıb.
Bu barədə “NEWS.am” məlumat yayıb.
Məlumata görə, Armavir vilayətinin ümumi yurisdiksiya məhkəməsi Qevork Nersisyanı 2 il 5 ay, Hambardzum Nersisyanı isə 3 il 5 ay müddətinə azadlıqdan məhrum edib.
Lakin Qevork Nersisyan barəsində cəzanın şərti tətbiqinə və sınaq müddətinin müəyyənləşdirilməsinə qərar verilib. Hambardzum Nersisyanın cəzasının icrası isə yeni doğulmuş qızı altı yaşına çatana qədər təxirə salınıb.
Qeyd edək ki, hər iki şəxs seçkiqabağı təşviqatın aparılmasına mane olmaqda ittiham olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
