Rusiya ordusu ötən gecə Kiyev şəhərində və Kiyev vilayətində Ukraynanın əsas müdafiə müəssisələrinə zərbələr endirib.
APA-nın Moskva bürosu xəbər verir ki, bu barədə Rusiya Müdafiə Nazirliyi məlumat yayıb.
Bildirilib ki, ötən gecə Ukraynanın hərbi-sənaye kompleksində uzun və orta mənzilli kəşfiyyat dronlarının, eləcə də telemetriya, elektron və optik avadanlıqların hazırlanması və istehsalında ixtisaslaşmış “Kiyev-71” sənaye müəssisəsinə, Ukrayna Silahlı Qüvvələri üçün uzun və orta mənzilli PUA-lar istehsal edən və radar avadanlıqları istehsal edən “Kiyev-1” Elektron Sənaye Yığım Müəssisəsinə, Ukrayna ordusu üçün zirehli texnika və zirehli mühafizə komponentlərinin əsas istehsalçısı və təchizatçısı “Kiyev-79” sənaye müəssisəsinə zərbə endirilib.
Eyni zamanda, “Gyurza-M” artilleriya qayıqları, eləcə də pilotsuz hücum qayıqları istehsal edən iri maşınqayırma müəssisəsi Kiyev Gəmiqayırma Zavodu, Ukrayna Hərbi Hava Qüvvələri və Donanması üçün atəş idarəetmə sistemləri, naviqasiya və avtomatlaşdırma avadanlıqları, o cümlədən Neptun-MD idarə olunan raketləri istehsal edən əsas tədqiqat və istehsal bazası olan
Kiyev Gəmiqayırma Zavodu vurulub.
Bundan başqa zenit-raket sistemləri, təyyarə komponentləri və Hava Hücumundan Müdafiə sistemləri istehsal edən, texniki xidmət göstərən və təmir edən dövlətə məxsus hərbi-sənaye kompleksi müəssisəsi “Julyany” Raket Yığımı və Hissələri Zavodu da hədəflər arasında olub.
Rusiya MN, həmçinin Ukraynanın Dnepropetrovsk, Poltava, Çerkaskaya, Çerniqov və Kiyev vilayətlərindəki hərbi aerodromlarının infrastrukturuna zərbə endirildiyini açıqlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
