Moskvada azərbaycanlı iş adamı Araz Ağalarova məxsus “Krokus Ekspo” sərgi mərkəzində partlayıcı qurğu yerləşdirməkdə şübhəli bilinən şəxs barəsində həbs qətimkan tədbiri seçilib.
APA-nın xəbərinə görə, bu barədə “TASS”a Moskva vilayəti Krasnoqorski şəhər məhkəməsinin mətbuat katibi Natalya Osipova bildirib.
“Məhkəmə istintaqın vəsatəti əsasında dekabrın 12-dək Şaiq Məhəmmədov barəsində həbs qətimkan tədbiri seçib”, -deyə Osipova bildirib.
Ş.Məhəmmədova qarşı Rusiya CM-nin 167-ci maddəsi üzrə ittiham irəli sürülüb. Bu ittiham üzrə Ş.Məhəmmədov beş ilədək azadlıqdan məhrum edilə bilər.
Qeyd edək ki, oktyabrın 7-də Moskvada azərbaycanlı iş adamı Araz Ağalarova məxsus sərgi mərkəzində partlayıcı qurğu tapılıb. Hüquq-mühafizə orqanlarının məlumatında əldəqayırma partlayıcı qurğunun çantaya qoyulduğu və sərgi mərkəzində yerləşən tualetlərin birinə yerləşdirildiyi bildirilib.
***** 17.27
Rusiyada “Krokus Ekspo” sərgi mərkəzini partlatmağa cəhddə şübhəli bilinən şəxs saxlanılıb.
APA-nın “life.ru”ya istinadən verdiyi məlumata görə, həmin şəxs ifadəsində sərgi mərkəzinə bomba qoymağa cəhd etdiyini təsdiqləyib.
Polisdən bildiriblər ki, o sadəcə icraçıdır və işsiz olduğu üçün buna mükafat qarşılığında razı olub.
“Krokus Ekspo”nun rəhbəri, azərbaycanlı iş adamı Araz Ağalarov isə xüsusi xidmət orqanlarına və əməliyyatçılara müraciət edərək ondan 2 milyon dollar tələb edildiyini bildirib. İstintaqın versiyasına əsasən, mərkəzə bomba qoymaq istəyən şəxslər A. Ağalarova hədə-qorxu gəlməyə çalışıblar. Onlar bombanı tualetə qoymaqla, heç kəsin xəsarət almayacağını düşünüblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
