Dekabrın 26-da Rusiyanın Sankt-Peterburq şəhərində Avrasiya İqtisadi İttifaqının növbəti sammiti keçiriləcək.
APA-nın xəbərinə görə, bu barədə məlumatı Kremlin mətbuat xidməti yayıb.
Rusiya, Belarus, Qazaxıstan, Qırğızıstan və Ermənistan prezidentləri ittifaqın son 2 il ərzində gördüyü işlər və iqtisadi birliyin gələcək inkişaf istiqamətlərini müəyyənləşdirəcəklər.
Sammitin əsas hadisəsi qurumun Gömrük Məcəlləsi haqqında müqavilənin imzalanması olacaq. Digər vacib çoxtərəfli sənədlərin, o cümlədən əmtəə və xidmətlərin vahid Avrasiya bazarının formalaşmasının inkişafına yönəlmiş sənədlərin qəbulu da gözlənilir.
Bundan əlavə, dövlət başçılarının qurumun 2017-ci ildə beynəlxalq fəaliyyətinə dair əsas istiqamətləri təsdiq edəcəyi də planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
