Bakı. Türbət Bağırova-APA. Azərbaycanın Tacikistandakı səfiri Abbasəli Həsənov Düşənbədə Tacikistanın narkotiklərə nəzarət üzrə agentliyinin direktoru Şerxon Salimzoda ilə görüşüb.
APA-nın “avesta.tj” saytına istinadən verdiyi xəbərə görə, bu barədə agentliyin ictimaiyyətlə əlaqələr şöbəsindən verilən məlumatda deyilir.
Görüş zamanı agentliyin direktoru A. Həsənovu Tacikistanda və Mərkəzi Asiya regionunda narkotiklərlə mübarizə sahəsindəki vəziyyətlə tanış edib.
Agentlik və Azərbaycanın Tacikistandakı səfirliyi arasındakı gələcək əməkdaşlıq müzakirə edilib.
Bununla yanaşı, İqtisadi Əməkdaşlıq Təşkilatı və Mərkəzi Asiya regional informasiya koordinasiya mərkəzi çərçivəsində narkotiklərin qanunsuz dövriyyəsi sahəsində məsələlər müzakirə olunub.
Səfir A. Həsənov Agentliyin direktoruna narkotiklərlə mübarizə məsələsinə regional kontekstdən yanaşdığı üçün təşəkkür edib və gələcəkdə əməkdaşlığın daha da möhkəmləndiriləcəyinə ümidini ifadə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
