Gürcüstan. Nizami Məmmədzadə-APA. Batumidə keçirilən Gürcüstan Müdafiə və Təhlükəsizlik Konfransında “NATO-nun genişləndirilməsi: ənənələr və perspektivlər” mövzusunda məsələ müzakirə olunub. APA-nın Gürcüstan bürosunun gürcü mətbuatına istinadən məlumatına görə, konfransı Gürcüstanın NATO-dakı daimi nümayəndəsi Qriqol Mqaloblişvili idarə edib.
Litvanın NATO-dakı daimi nümayəndəsi Kustutis Jankauskas jurnalistlərə açıqlamasında gələn il NATO-nun genişləndirilməsinin 10 ili tamam olacağını bildirib. “Gələn il alyansa 7 ölkə daxil olacaq və NATO-nun genişləndirilməsinin 10 ili tamam olacaq. NATO-nun növbəti sammitinə bir il qalıb. Lakin tədbirin harada keçiriləcəyi və tədbirin mövzusu məlum deyil, lakin buna baxmayaraq, NATO-nun genişləndirilməsi məsələsi həmişə gündəmdə olub. Bu gün biz NATO-nun genişləndirilməsinin tarixi əhəmiyyətindən danışdıq. Fikrimcə, NATO həmişə Avropada sülhü, azadlığı, sabitliyi və demokratik inkişafı təbliğ edir. Tədbirdə NATO-ya hazır olan 4 namizəd ölkə haqqında söhbət aparılıb, onlardan biri Gürcüstandır. Bizim vəzifəmiz bu ölkələri NATO-ya hazırlamaqdır”, deyə Kustutis Jankauskas bildirib.
Konfrans iştirakçıları Gürcüstanın müdafiə siyasətini müzakirə ediblər. Tədbirdə müdafiə naziri İrakli Alasaniya çıxış edib.
Konfrans sabah öz işinə yekun vuracaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
