Bakı-APA. Dağıstanda Dərbənd-Anapa marşrutu ilə hərəkət edən avtobusun “KamAZ” markalı yük maşını ilə toqquşması nəticəsində ölənlərin sayı 7 nəfərə çatıb.
APA-nın xəbərinə görə, bu barədə RİA "Novosti”-yə regional FHN-nin nümayəndəsi bildirib.
Qəza Mahaçqala-Həştərxan magistral avtomobil yolunda, Dağıstanın Tarumovski rayonunun Talovka yaşayış məntəqəsinin ərazisində baş verib.
“İlkin məlumata görə, 7 nəfər ölüb, avtobusda ümumilikdə 33 nəfər olub. Xəsarət alanlar Tarumovka və Koçubey yaşayış məntəqələrinin tibb müəssisələrinə çatdırılıblar”, deyə FHN-nin nümayəndəsi bildirib.
Məlumata görə, qəza nəticəsində 26 nəfər xəsarət alıb.
***
03.22
Bakı-APA. Dağıstanda sərnişin avtobusunun “KamAZ” markalı yük maşını ilə toqquşması nəticəsində 5 nəfər ölüb
APA-nın xəbərinə görə, bu barədə “RİA Novosti”yə Dağıstanın hüquq-mühafizə orqanlarından bildirilib.
Məlumata görə, qəza iyulun 12-dən 13-nə keçən gecə baş verib. Avtobus Dərbənddən Anapa-ya yollanırmış.
Qəza nəticəsində xəsarət alanların olduğu bildirilir.
Hadisənin təfərrüatları hələlik açıqlanmır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
