Bakı-APA. Dağıstanda 2 silahlı zərərsizləşdirilib, 1 isə saxlanılıb. APA-nın “İTAR-TASS”a istinadən verdiyi xəbərə görə, Rusiya Milli Antiterror Komitəsinin açıqlamasında bildirilir ki, ötən gün Mahaçqalanın Krasnoarmeysk qəsəbəsində hüquq mühafizə orqanlarının əməkdaşları “VAZ 2106” markalı avtomobili saxlayıb. Sürücü avtomobili saxladıqda salonda olan iki şəxs polis işçilərinə odlu silahdan atəş açıb.
“Qısamüddətli silahlı toqquşma nəticəsində iki cinayətkar zərərsizləşdirilib, güllə yarası almış sürücü isə saxlanılıb. İlkin məlumata görə, öldürülən şəxslər “Kaspiysk” silahlı dəstəsinin üzvü olub”, deyə Milli Antiterror Komitəsinin nümayəndəsi bildirib.
Hadisə yerində silah və sursat aşkarlanıb.
Toqquşma nəticəsində 3 polis əməkdaşı yaralanıb, mülki əhali arasında xəsarət alan yoxdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
