Bakı-APA. Ded Xasan yanvarın 20-də Moskvada Hovanski qəbiristanlığında dəfn olunacaq. APA-nın məlumatına görə, bu barədə “RİA Novosti”yə şəhər administrasiyasında olan mənbə məlumat verib.
Xatırladaq ki, məşhur kriminal avtoritet, “Ded Xasan” ləqəbli Aslan Usoyan yanvarın 16-da Moskvada qətlə yetirilib.
Usoyanın ailəsi onu doğulduğu Tiflisdə dəfn etməyi qərara alıb, lakin Gürcüstan hökuməti kriminal avtoritetin cənazəsini gətirən xüsusi ayrılmış təyyarəni ölkəyə buraxmayıb və o Ukraynanın Donetsk şəhərində eniş edərək, Moskvaya geri dönüb.