MDB

Ana səhifə

MDB

İrəvanda müxalifətin mitinqi başa çatıb - YENİLƏNİB

İrəvanda müxalifətin mitinqi başa çatıb - <span style="color: red;">YENİLƏNİB

29 aprel 2018 19:21 (UTC +04:00)

İrəvanda müxalifətin mitinqi başa çatıb.

APA-nın RİA Novosti agentliyinə istinadən verdiyi xəbərə görə, mitinqdə çıxış edən müxalifət lideri Nikol Paşinyan ölkənin baş naziri postunu tutmağa hazır olduğunu bildirib və əlavə edib ki, aprelin 30-da məsələni parlament fraksiyalarının nümayəndələri ilə müzakirə edəcək.

N.Paşinyan tərəfdarlarını aprelin 30-da gün ərzində etiraz aksiyaları keçirməməyə çağırıb və sabahkı mitinqdə siyasi qüvvələrlə danışıqların nəticələrini təqdim edəcəyini bildirib.

***

20:10

Ermənistanın paytaxtı İrəvanda Respublika meydanında müxalifətin növbəti mitinqi keçirilir.

APA-nın "news.am"a verdiyi xəbərə görə, mitinq “Mənim addımım” təşəbbüs qrupu tərəfindən təşkil edilib. Bundan əvvəl müxalifətçilər İrəvanın mərkəzi küçələrində yürüş keçiriblər.

Bu gün Rusiya Dövlət Dumasının deputatları ilə görüşən Ermənistan müxalifətinin lideri Nikol Paşinyan xarici siyasətdə prioritetini açıqlayıb. N. Paşinyan Avrasiya İqtisadi İttifaqı, Kollektiv Təhlükəsizlik Müqaviləsi Təşkilatı, Ermənistan sərhədlərinin rusiyalı hərbçilər tərəfindən qorunmasının tərəfdarı olduğunu qeyd edib.

Qeyd edək ki, aprelin 13-də başlayan etiraz aksiyaları nəticəsində baş nazir Serj Sərkisyan istefa verib. Aprelin 25-də Daşnaksütun Partiyası Respublika Partiyası ilə formalaşdırılan hakim koalisiyadan çıxdığını elan edib. Parlament mayın 1-də yeni baş naziri seçməlidir. Dünən hakim Respublika Partiyası baş nazir postuna namizəd irəli sürməyəcəyini bəyan edib. Artıq bir neçə partiya N. Paşinyanın baş nazir postuna namizədliyini dəstəkləməyə hazır olduğunu bəyan edib.