Baku. Faiq Mahmudov - APA. Moskva Dövlət Universitetinin itkin düşmüş tələbəsi Varvara Karaulova Türkiyə-Suriya sərhədində yerləşən Kilis şəhərində saxlanılıb.
APA-nın “RİA Novosti” agentliyinə istinadən verdiyi xəbərə görə, Rusiyanın Ankaradakı səfirliyindəki mənbə bildirib ki, V. Karaulova dünən qeyri-qanuni yolla Suriyaya keçməyə cəhd edərkən saxlanılıb.
“Yaxın zamanda o, Rusiyaya deportasiya olunmaq üçün Türkiyə Miqrasiya xidmətinə təhvil veriləcək”, - deyə mənbə bildirib.
Qeyd edək ki, Rusiya Daxili İşlər Nazirliyi V. Karaulovanın qeyri-qanuni silahlı birləşmədə iştirakla bağlı materialları toplayıb istintaqa vermək niyyətindədir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
