Bakı-APA. Dağıstanda “Hizb-ut-Təhrir” ekstremist təşkilatının üzvlərinin avtomobil karvanı Kizlər şəhəri istiqamətində hərəkət edərkən saxlanılıb. APA-nın “RİA Novosti”yə istinadən verdiyi xəbərə görə, qadağan olunmuş təşkilatın 12 üzvü saxlanılaraq polis bölməsinə aparılıb.
“Kizlərin girişində “Hizb-ut-Təhrir” ekstremist təşkilatının üzvlərinə məxsus 25 avtomobildən ibarət karvanın şəhərə daxil olmasının qarşısı alınıb. Əllərində təşkilatın bayraqları olan bu şəxslər şəhərin mərkəzində icazəsiz tədbir keçirmək niyyətində olub”, deyə Dağıstan DİN-in məlumatında bildirilir.
Nazirliyin açıqlamasında qeyd olunur ki, təşkilatın 12 üzvü saxlanılaraq polis bölməsinə aparılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
