Bakı. Məlahət Nəcəfova-APA. Rusiyada imama qarşı terrorizmə ictimai şəkildə haqq qazandırma ittihamı irəli sürülüb.
APA-nın RİA "Novosti"-yə istinadən verdiyi məlumata görə, Rusiya İstintaq Komitəsinin Moskva İdarəsinin rəsmi nümayəndəsi Yuliya İvanova bildirib ki, 2013-cü il sentyabrın 23-də imam Mahmud Velitov Moskvanın Xaçaturyan küçəsində yerləşən “Yardyam” məscidində dua zamanı ictimai şəkildə “Hizb ut-Təhrir əl-İslam” terror təşkilatının üzvlərindən birinin fəaliyyətinə haqq qazandıran nitq söyləyib: “İmamın əməli ilə bağlı iş araşdırılır. O, “Terrorizmə ictimai şəkildə haqq qazandırma” maddəsi ilə cinayət törətməkdə təqsirli bilinir”.
Psixoloji-linqvistik məhkəmə tibbi ekspertizasının nəticəsinə əsasən, sözügedən nitqdə terror fəaliyyətinə haqq vermənin psixoloji və linqvistik əlamətləri əksini tapıb.
İstintaq imamın ev dustaqlığında saxlanması barədə vəsatət irəli sürüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
