Moskva. Fərid Əkbərov – APA. Moskvanın hüquq-mühafizə orqanları paytaxtın Doroqomilovsk bazarında topdansatış ticarətin aparıldığı gizli məkan aşkarlayıblar. APA-nın Moskva müxbirinin verdiyi məlumata görə, bazarın ərazisində yerləşən zirzəmilərdə ümumi sahəsi 1600 kvadratmetr olan 65 anbarda 24 saat quru meyvə və quru balıq topdansatışının getdiyi bildirilib. Burada gündəlik ticarətin həcmi 200-300 min rubl olub.
Polisin bazarda keçirdiyi əməliyyat zamanı 35 nəfər xarici vətəndaş saxlanılıb. Onların arasında azərbaycanlılar da var.