APA-nın Moskva müxbirinin verdiyi məlumata görə, bu sözləri KTMT-nin baş katibi Nikolay Bordyuja bu gün keçirdiyi mətbuat konfransında bildirib.
O, Əfqanıstan hökuməti ilə əməkdaşlıq etməyə, ölkənin güc strukturlarının möhkəmləndirilməsinə yardım etməyə hazır olduqlarını söyləyib: “Lakin bizim ölkələrimiz bu gün Əfqanıstan ərazisinə hər hansı bir kontingent yeritməyə və ya oradakı əməliyyatlarda iştirak etməyə hazır deyil”.
N.Bordyujanın sözlərinə görə, KTMT hazırda əfqan kadrlarının hazırlanmasına dəstək verir: “Bundan başqa, Əfqanıstanla hərbi-texniki əməkdaşlıq da mövcuddur. Çoxlu istiqamətlər üzrə əməkdaşlıq edə bilərik. Lakin heç bir halda Əfqanıstan ərazisindəki hər hansı əməliyyatlarda iştirak edə bilmərik”.
KTMT ilə NATO-nun əməkdaşlığı ilə bağlı sualı cavablandıran N.Bordyuja bildirib ki, qərbli həmkarları hələlik buna hazır deyillər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
