Bakı – APA. Oktyabrın 29-da Brüsseldə Rusiya, Ukrayna və Aİ arasında üçtərəfli qaz danışıqları baş tutacaq.
APA-nın RİA Novosti agentliyinə istinadən verdiyi xəbərə görə, bunu Avropa İttifaqının enerji məsələləri üzrə komissarı Günter Ettinqer bəyan edib.
Ettinqer danışıqlarda irəliləyişin olduğuna ümid etdiyini bildirib. Bundan əvvəl xəbər verilirdi ki, Aİ və Kiyev Ukraynaya qaz təchizatı ilə bağlı üçtərəfli danışıqlar ərəfəsində öz mövqelərini razılaşdırıblar.