Bakı-APA. Özbəkistan 2013-cü ilin mayın sonunda Müstəqil Dövlətlər Birliyinin Azad ticarət zonası haqqında müqaviləyə qoşula bilər. Bu barədə jurnalistlərə açıqlamasında Rusiya XİN MDB ölkələrinin Birinci departamentinin direktoru Mixail Yevdokimov bildirib. APA-nın “BELTA”ya istinadən verdiyi məlumata görə, Mixail Yevdokimovun bildirib ki, mayın 31-də MDB Hökumət Başçıları Şurasının toplantısı keçiriləcək. “Ola bilsin ki, Özbəkistanın o vaxtadək azad ticarət zonasına qoşulması prosesi başa çatsın”, deyə Yevdokimov qeyd edib.
Mixail Yevdokimovun sözlərinə görə, 2013-cü ilin ortalarınadək müqaviləni imzalamış bütün ölkələr onu ratifikasiya edəcəyi gözlənilir. Azad ticarət zonası haqqında müqaviləni Rusiya, Ukrayna, Belarus, Moldova, Ermənistan, Qazaxıstan, Qırğızıstan və Tacikistan imzalayıb. Qırğızıstan və Tacikistan müqavilənin ratifikasiyası prosedurunu başa çatdırmaq üzrədir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
