Bakı-APA. Qazaxıstanın tanınmış 16 ictimai xadimi “Baykonur” kosmodromundan zəhərli yanacaqdan istifadə edən raketlərin buraxılışını dayandırmaq tələbi ilə Qazaxıstan və Rusiya hökumətlərinə açıq müraciət ünvanlayıb. APA-nın “Vesti.ru”ya istinadən verdiyi xəbərə görə, müraciət müəllifləri hesab edirlər ki, qeptil və başqa zəhərli maddələrlə çalışan raket daşıyıcıların istifadəsini qadağan etmək məqsədilə “Baykonur” kosmodromuna dair razılaşmalara yenidən baxılması zəruridir.
Bundan başqa, müraciətdə beynəlxalq kosmodromun yaradılması ilə bağlı məsələlərin hazırlanması təklif olunub.
İctimai xadimlər həmçinin raket qəzasını araşdıran dövlət komissiyası həkimləri, ekoloqları və sair mütəxəssisləri cəlb etməklə işini geniş ictimaiyyətə açıq aparılmasını tələb ediblər.
Müraciət müəllifləri hesab edirlər ki, Rusiya “Baykonur” kosmodromundan istifadə etdiyinə görə ödədiyi icarə haqqının məbləği əsas olmadan azaldılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
